Olas a tod@s:
Están nos xornais un día si e outro tamén a voltas co AVE. O máis que famoso tren é un dos asuntos principais na axenda política. Para o PP como recurso para desgastar ao goberno por cousa dos retrasos, para o PSOE como forma de amosar o suposto compromiso que teñen con Galiza, para o BNG como exemplo claro da marxinación de Galiza polo poder central; o tren centra gran parte do descurso político galego. Ata aquí nada resulta moi sorprendente pero o que máis me chama a atención é as mostras que nos dá o tema do rara que é a política galega.
Hai pouco o Parlameno Galego aprobaba unha resolución para demandar unha comisión mixta Parlamento Galego/Fomento que se encargaría de vixíar o cumplimento dos prazos e as obras do AVE galego. Esta resolución aprobouse por unanimidade no Parlamento Galego e foi onte discutida alá en Madrid. Pois ben resulta que a subcomisión non sae adiante porque o PSOE e a ministra de fomento non queren. Ou sexa o PSOE di que si, o PSOE di que non. Alguén de vos dirá que unha cousa é o PSdG e outra o PSOE pero esto tamén conleva outros problemas: ¿ os deputados do PSdG en Madrid por que votan diferente do que votan en Galiza?. Teño unha doble resposta: o PSdG depende totalmente de Madrid e non ten discurso propio, os deputados galegos do PSdG saben que os seus votos en Madrid non lles quitan votos en Galiza.
Segundo o sistema electoral español os deputados serían os representantes dos electores das circunscripcións polas que foron elexidos. Como xa teño dito algunha vez en Galiza non votamos nin a Rajoy nin a Zapatero, escollemos aos representantes que se presentan pola nosa circunscripción ( provincia). ¿ Entón por que os deputados galegos do PSdG non votan o mesmo que o PSdG no Parlamento Galego se están no Congreso represantando aos cidadáns galegos que os votaron?. Como dicía liñas atrás estes deputados saben que a xente lles da igual o que voten ou non xa que a maioría da xente non sabe nin quen son xa que están convencidos de que votan a Zapatero.
E así nos vai, o PSdG non ten nin un mínimo de autonomía ao respecto de Madrid, esquecendo así que están aí en representación da cidadanía galega non da de Murcia ou Guadalajara. Mentres os partidos cataláns forman unha fronte común para demandar un sistema de financiamento mellor para Catalunya ( incluido o PSC que ameazou con que os seus deputados non ían votar os presupostos), en Galiza seguimos estando representados por xente que nun lado vota unha cousa e noutro outra e que se esquece que é ante a cidadanía galega onde teñen que render contas.
Mención aparte merece a Ministra de Fomento, única na historia da democracia española en ser reprobada no Senado e de quedar a 2 votos de selo tamén no Congreso. O de esta señora é de chiste e ainda así nin dimite nin a dimiten pese a dicir barbaridade tras barbaridade e idiotez tras idiotez. A resposta que lle deu ao deputado do BNG onte é a repanocha. Jorquera preguntoulle polo estado das obras entre Ferrol e A Coruña e a ministra respondeu: "Todo el recorrido ferroviario entre A Coruña y Vigo está en obras o en servicio". Como estarán as obras do famoso AVE se este personaxe non sabe que Ferrol non está entre Vigo e A Coruña. Pero claro desto non se libra tampouco o BNG que foi quen a salvou da reprobación a cambio dunha chea de cousas das que polo de agora non temos nin noticia.
Creo que vai sendo hora de que os galegos nos plantexemos se queremos xente que nos represente a nós ou "cantamañanas" que din aquí unha cousa e alá outra, se queremos xente que defenda os nosos intereses ou que se pleguen aos intereses do goberno central esquecendo quen os escolle, se queremos avanzar ou se queremos seguir sendo o que parece somos hoxe para algúns, a última merda ( con perdón).
2 comentários:
É aí a cuestión fundamental. Que somos? unha arma electoral para botar en cara según sexa o público? Ou somos os que pagamos e escollemos aos nosos políticos?
Se os sucursalistas pp, psoe e Mcdonalls puxeran os menús en galego e ofrecesen produtos da terra e de calidade poderíamos crelos pero mentres segan a trair a carne desde algún punto indeterminado da meseta e a etiquetar en castelán só nos van querer á hora de pagar a conta.
La pinza ensayada por el PP y el BNG en el Congreso para reclamar del Gobierno socialista una reforma inminente del voto emigrante puede reeditarse en otros ámbitos, como es el caso de las infraestructuras o el traspaso de las competencias del tráfico, en caso de que prospere la estrategia trazada por los populares en un documento interno, en el que apuestan por «ideoloxizar» el debate político y por utilizar al Bloque como «palanca electoral». El objetivo perseguido no es otro que contener el posible empuje del PSdeG-PSOE en las autonómicas, previstas inicialmente para dentro de medio año.
El documento estratégico elaborado por el equipo de asesores de Alberto Núñez Feijoo, que lleva por título Polo cambio en Galicia. Estratexia ante as eleccións autonómicas 2009 , sale a luz solo en medio de un escenario preelectoral de tablas, como el que refleja la encuesta de Sondaxe, que coloca al PPdeG a tres escaños de la mayoría absoluta en Galicia, pero cediendo dos diputados en favor del PSOE y el BNG. La dirección del PPdeG admitió ayer la existencia de este informe, si bien le restó trascendencia al remarcar que no fue promovido desde la cúpula del partido, sino por la base.
Pero sea cual sea su origen (el documento carece de firma), lo que refleja es que los populares hacen una apuesta en firme por recuperar el espíritu galleguista que marcó los 16 años de Gobierno de Manuel Fraga y por tender puentes de acercamiento con el Bloque, socio del PSOE en la Xunta, con el fin de limar el empuje de los socialistas y apartarlos del centro político.
"Lobos e cans todos son irmáns."
Enviar um comentário